ANIGAA QALDAMAY WAANA QIRAYAA!!

{QEYBTA 7AAD}

Dhambaalkan waxaa qoray wiil u dhashay Qowmiyadda loo yaqaan Hindida Cas-Cas ee Cariga Mareykanka ku nool, qowmiyaddaas oo ka mid ah dadka Adduunka iskula qabka wayn, balse Sharafta Qofka aad u dhowra ayaa wiilkaasi waxa uu xiriir jacayl la samaystay gabar aad u bilic Qurxooneyd oo joog iyo Jamaalba uu Ilaahay siiyay, Qurux Dumarna oo dhanna aan laga hagran, iyadoo weliba Quruxda loo sii raaciyey Aadaab, Asluub wanaag & Sharaf isla markaana daacadnimada ku wanaagsan.
Wiilkaasi isagoo gabadhaa sharafta badan xiriir la leh iyana ay si aad ah qalbiga ugu xafiday ayuu rag damac badni ma daayee gabar kale u hanqal taagay oo uu rabooday, gabadhaasoo saaxiib kale lahayd, balse uu xilligaa saaxibkeed safar kaga maqnaa, waxayna garatay oo ay is tusisay inta uu saaxibkeed ka maqan yahay inay wiilkan howtul hamaga ah ku sii madadaalato iyadoo danaheeda gaarka ah ku sii fushanaysa.
Wiilkii wuxuu dareemay in gabadha uu jeclaaday aysan dan iyo heello ka lahayn oo wax tixgelin ah uusan ku heysan, ereyo macaan kasta oo uu u isticmaalana ay ugu abaalayso hadalo Arxan darro ah, iyadoo u muujinaysa in uu isagu dan leeyahay oo jacaylka uu wato, loogana baahan yahay in uu kasbado, wax kastana uu u huro una dulqaato.
Gabadhii uu horay jacaylka ugu Abuuray wiilkaasi weli way ka dhur sugeysaa oo isagay u sii hanqal taagaysaa isagana middan ka indho dadban ee danta ku wadata ayuu u hanqal taagayaa {Nin meeli u caddahay meelna ka madow dahay} ayuuna xaalkiisu noqday, balse markii uu xaqiiqda ogaaday ee gabadha uu jeclaaday inay u soo jeedin arkay, isla markaana uu ka war helay inay nin kale jeceshahay, middii uu dayacay ayuu u soo rajuucay dhambaal cabasho ah oo raaligelin ah ayuuna u qoray taasoo uu u qoray sidan:-

ALLE WUU ARKAA WUUSE U KAADINAYAA.

W/Qoray:- Max'ed Abdillaahi
                 Abdille {diyeeshe}.